靚仔兩個

寫完史力B，我想寫寫兩個靚仔。

第一個是劉華，我必須承認，他是我小時偶象，喜歡他當然是他靚仔啦。當記者後，見過他兩次，第一次是旅發局的記者會，但非常遠距離，同場還有其他明星，所以極多娛記。第二次是回歸十周年當天，他出席海洋公園熊貓館的揭幕儀式，這次距離近好多，除了他在台上，我們有充裕時間拍照外，曾有一刻他更在我們面前走過，雖然不算太高，但真是勁靚仔，而且還主動跟我們Say hello，真是完全不知如何反應。雖然他之後無做訪問就走，但真是暈晒浪。據聞在前一晚，胡主席與劉華握手後，行家本來都打算跟他「扑咪」，但大家眼甘甘望着他，都不知說甚麼才好呢。難怪劉華會紅足咁多年。

靚仔二號是來自汶萊的吳尊。自去完歐洲，被山比的歌感染後，回來還是忍不住要追看台劇《花样少男少女》。當然，全劇至靚仔的自然是吳尊啦。其實之前無聊，看《東方茱麗葉》時，都已經認識吳尊，但可能《花》劇內容較《東》好看，才忽然迷上這個帥哥。

可能你會話：好心啦，廿幾歲人仲迷靚仔？

無辦法，靚仔真係着數d。