我愛打風

終於都打八號風球喇！對上一次香港掛八號波，原來已是3年前的事。
原以為天氣反常，今年應該不會掛8號波，結果一切卻又來得突然，都是意料之外。
今天下午1時，剛在消委會樓下，看着保安人員將1號警告，換上3號，登上穿梭巴士往地鐵站，才聽到其他人說原來帕布返轉頭，有人還問司機：聽日會唔會打風。司機說：呢啲風打唔成。
於是，我與行家吃過午飯，2點鐘就回到公司。同事J一見面就說：陣間八號風球喎！
難怪實習同學即時撤退。那刻，我都好想撤退。
Irene晚上8時許問我：你仲未放工？
當然未啦。記者打風落雨，公眾假期都要返工，除非是例假。
所以，這種日子我都習慣了，而且今天也算好運氣，回到公司才打風，晚上放工不久，又改掛3號了。
人家趕在8號風球下收工回家，結果交通大混亂。我收工時，完全無人和我爭，公司又安排了車接載我們到地鐵站，地鐵班次也不疏落。實在太好，耳根清靜。
到了鑽石山如常坐巴士回家，車上人明顯比平時少。沿路的車也不多，反而馬鞍山的住宅燈火通明，適逢那時吐露港沒有風雨，夜景特別明亮，讓我遇上香港久違了的安靜。
我想，這個其實也可是一個旅遊景點。